Ziel des Projekts „Herkunftssprache und Schulsprache: Sind Sprachkompetenzen übertragbar?“ war die Untersuchung potenzieller Transfers zwischen der Herkunfts- und der Schulsprache bei Schülerinnen...
You are here
Abgeschlossene Projekte
Quest sectur sa deditgescha a la perscrutaziun da l'acquisiziun simultana, resp. successiva da pliras linguas (emprima, segunda e terza lingua) en differentas vegliadetgnas ed en diversas gruppas socialas cun resguardar la populaziun migratorica. A basa da studis empirics a lung temp vul ins sclerir ils facturs che influenzeschan il svilup da las cumpetenzas linguisticas individualas.
Direcziun: Prof. Raphael Berthele
Quel sectur perscrutescha il svilup, la diagnosa e la regulaziun d'ina cumpetenza plurilingua e pluriculturala. El cumpiglia trais accents principals: primo l'acquisiziun da la lingua en sias furmas nundirigidas, dirigidas da l'instrucziun ed autodirigidas, secundo la didactica da linguas estras e la didactica plurilingua cun ils aspects centrals da las finamiras didacticas (instruir ed emprender), curriculums e plans d'instrucziun sco era metodas d'instruir e d'emprender linguas e terzio la valitaziun da cumpetenzas linguisticas e l'evaluaziun da programs linguistics.
Direcziun: Prof. Thomas Studer, Prof. Anita Thomas
En quel sectur vai per sfidas socialas ed instituziunalas da la plurilinguitad en l'instituziun scolastica, en il mund da lavur, en instituziuns culturalas e politicas sco er en la politica linguistica ed en il dretg. Da tschertas linguas e lur pledaders vul ins examinar a maun dad in'avischinaziun sociologica ed antropologica valurs attribuidas, structuras da pussanza tranter cuminanzas linguisticas, inegualitads socialas sco er effects da la globalisaziun sin praticas linguisticas.
Direcziun: Prof. Alexandre Duchêne