d
t
m

Standards da basa en rumantsch grischun en il rom d'in model da cumpetenza multilingual per Rumantschs

Area: 
Instruir ed emprender linguas, valitar ed evaluar cumpetenzas linguisticas
Project management:

Georges Darms

Duration: 
01.2011 to 12.2014
Team:
Status: 
Completed
Description: 

Fond naziunal svizzer, promoziun da projects, nr. da project 135407

Il project prevesa d'elavurar per las linguas d'instrucziun dals Rumantschs (rumantsch grischun (rg) e tudestg) standards da basa sco ch'igl è gia vegnì fatg en Svizra per il tudestg, il franzos ed il talian cun l'uschenumnà Consorzi HarmoS L1. Nua ch'i fa senn duai il proceder esser analog.

La finamira dal project è da crear per las linguas d'instrucziun dals Rumantschs in instrumentari da cumpetenza, da descripziun e da registraziun validà uschè bain sco pussaivel e standards da basa relativs teoretics e fundads empiricamain. L'attenziun duai cunzunt vegnir drizzada sin la 6. classa sco punct da colliaziun scolastic impurtant. Cun quest instrumentari vul ins cuntanscher ina finamira pratica en analogia a HarmoS. En il project proponì vai cunzunt per satisfar a la situaziun specifica da plurilinguitad e da minoritad dals Rumantschs. Il medem mument vul quest project far ina contribuziun da perscrutaziun autonoma en il sectur da la perscrutaziun da cumpetenzas plurilinguas e da lur modellaziun.